ସନରାଇଜର୍ସ ହାଇଦ୍ରାବାଦକୁ ପରାସ୍ତ କରିଛି କୋଲକାତା ନାଇଟ୍ ରାଇଡର୍ସ । ୧୭ ତମ ସଂସ୍କରଣର ପ୍ରଥମ କ୍ବାଲିଫାୟର ମୁକାବିଲାରେ ସନରାଇଜର୍ସ ହାଇଦ୍ରାବାଦକୁ ମାତ୍ ଦେଇ ଫାଇନାଲରେ ପ୍ରବେଶ କରିଛି କେକେଆର।ଏହା ସହ ଏକତରଫା ଭାବେ ଏହି ମ୍ୟାଚ ଜିତି ନେଇଛି କେକେଆର୍ । ପ୍ରଥମ ଦଳ ଭାବେ ଫାଇନାଲରେ ପହଞ୍ଚିଯାଇଛି କେକେଆର୍ । ଗତକାଲିର ଏହି ମ୍ୟାଚରେ ହାଇଦ୍ରାବାଦକୁ ୮ ୱିକେଟ୍ ରେ ପରାସ୍ତ କରିଛି କୋଲକାତା । ଟିମର ଏହି ବିଜୟ ପରେ ଶାହରୁଖ ଖାନଙ୍କର ମଧ୍ୟ ଖୁସିର ସୀମା ରହିନାହିଁ । ମ୍ୟାଚରେ ଯେତେବେଳେ କେକେଆର ଫାଇନାଲ ପାଇଁ କ୍ୱାଲିଫାଏ ହେଲା ସେହି ସମୟରେ ଶାହରୁଖ ଖାନଙ୍କୁ ଅହମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖୁସି ହୋଇଥିବା ଦେଖିବାକୁ ମିଳିଥିଲା । ଶାହରୁଖ ଖାନ ନିଜ ପିଲା ସୁହାନା ଏବଂ ଅବରାମ ଏବଂ ନିଜ ମ୍ୟାନେଜର ପୂଜା ଦଦଲାନୀଙ୍କ ସହ ଖୁସି ମନାଉଥିବା ଦେଖିବାକୁ ମିଳିଛି ।
ଅବଶ୍ୟ ହାଇଦ୍ରାବାଦକୁ ବର୍ତ୍ତମାନ ଦ୍ୱିତୀୟ କ୍ୱାଲିଫାୟର ଖେଳି ଫାଇନାଲ ଯିବାକୁ ସୁଯୋଗ ରହିଛି । ପ୍ରଥମ ଇନିଂସରେ ବୋଲର କମାଲ କରିଥିବା ବେଳେ ଦ୍ବିତୀୟ ଇନିଂସରେ ବ୍ୟାଟସମ୍ୟାନଙ୍କ ଦମଦାର ବ୍ୟାଟିଂ ବଳରେ ସହଜ ବିଜୟ ହାସଲ କରିଛି କୋଲକାତା ନାଇଟ ରାଇଡର୍ସ। ୨୦୨୧ ପରେ କେକେଆର ପୁଣି ଥରେ ଫାଇନାଲ ଖେଳିବାକୁ ଯୋଗ୍ୟତା ଅର୍ଜନ କରିଛି। ୨୦୨୧ରେ ଦଳ ଫାଇନାଲ ଯାଇଥିଲେ ମଧ୍ୟ ଚେନ୍ନାଇ ଠାରୁ ହାରି ଯାଇଥିଲା। ଏଥର ଦଳ ଟ୍ରଫି ହାତେଇବା ଲକ୍ଷ୍ୟରେ ରହିଛି।
